Kontzientzia eta identitatea
Ingmar Bergman zuzendari pertsonala dela
esan genezake. Bere pelikuletan zeharka bada ere bere bizitza erakusten digu, berarentzat
esanguratsuak izan ziren gertaera biografikoak, modu horretan bere izaera
erakutsiz (“autobiografikoa naiz, noski” baieztatu zuen noizbait zuzendari
suediarrak).
‘Persona’ pelikula zuzendariak
ospitale batetan izandako esperientziarekin lotuta dago. Bergmanek ia sei ordu
eman zituen konorterik gabe anestesiaren efektua zela eta. Denbora horretan,
Bergman ez zen erreala zena eta ez zena desberdintzeko gai. Existentzia eta
existentzia ezaren arteko sentsazio hori, kontzientzia eta kontzientzia ezaren
artekoa zoragarria izan zen zuzendariarentzat. Zuzendariak, sentimendu horretan
inspiratuta pelikula bikain eta konplexu hau egin zuen.
