'Changeling' (2008) - Xehetasun pare bat

 'Changeling’ pelikula benetako gertakarietan oinarritzen da eta desagertutako ume baten amaren borroka dugu pelikularen abiapuntu. Clint Eastwood da 20ko hamarkadaren amaieran girotutako istorio honen zuzendaria. ‘Changeling’ pelikulak drama eta intriga generoak nahasten ditu, eta horretaz gain, gezurra, korrupzioa, zoramena eta borroka indibiduala bezalako gaiak lantzen ditu. Drama honetan Clint Eastwood zuzendariaren estiloaren bereizgarri diren zenbait elementu antzeman ditzakegun arren, ez dira nahikoak izan. Hau da, pelikulak ez nau espero nuen bezain beste hunkitu, istorioarekin guztiz konektatu ez dudalako. 
Christine Collinsen (Angelina Jolie) pertsonaiaren garapenak hotz utzi nau. Hala eta guztiz ere, badira izugarri gustatu zaizkidan zenbait elementu formal eta eszena.